வருமான வரி சோதனைகளால் அஞ்சிவிட மாட்டேன்; : டிடிவி தினகரன்

வருமான வரி சோதனைகளால் அஞ்சிவிட மாட்டேன்; : டிடிவி தினகரன்

சென்னையில் உள்ள ஜெயா டிவி அலுவலகம், சசிகலாவின் உறவினர்கள் ஆதரவாளர்கள் வீடுகளில் இன்று (நவ.9) காலை முதல் வருமான வரித் துறையினர் சோதனை நடத்திவரும் நிலையில், இந்த சோதனைக்குப் பின்னணியில் மத்திய அரசு இருப்பதாக அதிமுக அம்மா அணியின் துணை பொதுச் செயலாலர் டிடிவி தினகரன் தெரிவித்துள்ளார்.

இன்று காலை முதல் 150 இடங்களில் சோதனை நடைபெற்று வருகிறது. இந்நிலையில், சென்னை அடையாறில் தனது வீட்டில் செய்தியாளர்களை சந்தித்த டிடிவி தினகரன், பல்வேறு கேள்விகளுக்கும் பதில அளித்தார்.

ஜாஸ் சினிமாஸ், மிடாஸ் உள்ளிட்ட 10 குழுமங்கள், 187 இடங்களில் வருமான வரித்துறை சோதனை: சென்னை,டெல்லி உள்ளிட்ட 4 நகரங்களில் நடக்கிறது

"எனது வீட்டில் எந்த சோதனையும் நடைபெறவில்லை. காலை 8.30 மணியளவில் அதிகாரி ஒருவர் எங்கள் வீட்டுக்கு வந்தார். ஆனால், அவரும் சற்று நேரத்தில் புறப்பட்டுச் சென்றுவிட்டார். திரும்பி வரலாம், வராமலும் போகலாம்.

புதுச்சேரி அருகே ஆரோவில்லில் உள்ள எனது பண்ணை வீட்டில் இன்று காலை சில அதிகாரிகள் சென்று சோதனையில் ஈடுபட்டுள்ளனர். ஒரு மணி நேரத்துக்குப் பின்னர்  அங்கிருந்து அவர்கள் புறப்பட்டுச் சென்றுள்ளனர். எங்கள் வீட்டைக் கவனித்துக் கொள்ளும் இருவருமே படிப்பறிவில்லாதவர்கள். அதனால், அங்கு எனது வழக்கறிஞரை அனுப்பியிருந்தேன். ஒருவேளை அதிகாரிகளே அங்கு ஏதாவது ஆவணங்களை வைத்திருந்தாலும் அதையும் கண்டுபிடித்துவிடலாம். வீடு முழுவதும் கேமரா இருக்கிறது" என்று சிரித்துக் கொண்டே கூறினார்.

எனது ஆதரவாளர்கள் வீடுகளில் திடீரென வருமான வரித்துறையினர் சோதனை நடத்துவதன் பின்னணியில் மத்திய அரசே இருக்கிறது என்பது தெளிவாகத் தெரிகிறது. யார் கொடுத்த தவறான தகவலின் பேரில் வருமான வரித்துறை சோதனை நடக்கிறது என்பது எனக்குத் தெரியவில்லை.

என்னுடன் நெருக்கமாக இருக்கிறார் என்பதற்காகவே புகழேந்தி வீட்டில் எல்லாம் சோதனை நடத்தி வருகின்றனர். இப்படி சோதனையில் ஈடுபடுபவர்கள், சேகர் ரெட்டி, அன்புநாதன் டைரியில் குறிப்பிட்டவர்கள் மீது என்ன நடவடிக்கை எடுக்கப்பட்டது என்பதையும் சொல்ல வேண்டும்.

வருமான வரிச் சோதனையில் ஈடுபட்டு எங்களை மிரட்டிப் பார்க்கிறார்கள். ஆனால், இதுபோன்ற மிரட்டல்களுக்கு நான் அஞ்சிவிடமாட்டேன். எனக்கு 30 வயதாக இருக்கும் போதே நான், சசிகலா எனது தம்பி ஆகியோர் ஒரு வருடம் சிறையில் இருந்திருக்கிறோம். சிறை, சிபிஐ எல்லாம் எங்களுக்குப் புதிதல்ல.

என்னை எத்தனை வருடம் சிறையில் போட்டாலும், வெளியில் வந்த பிறகு, அதற்குக் காரணமான கட்சியை தமிழகத்தில் காலூன்ற விடாமல் செய்வேன். இருப்பது ஒரு உயிர்; அது ஒருமுறைதான் போகும். எனவே, ரெய்டுகளுக்கு எல்லாம் அஞ்சினால் வாழவே முடியாது.


நானும், சசிகலாவும் அரசியலில் ஈடுபடக்கூடாது என்பதற்காகவே, எங்களை ஒழித்துக்கட்டவே இத்தகைய ரெய்டு நடவடிக்கைகள் எல்லாம் நடத்தப்படுன்றன.

எம்.ஜி.ஆர்., மறைவுக்குப் பின்னர் இதேபோன்ற ரெய்டுகளால்தான் ஜெயலலிதாவுக்கு நெருக்கடி அளிக்கப்பட்டது. இப்போது 'அம்மா' மறைவுக்குப் பின் எங்களுக்கு நெருக்கடி அளிக்கப்படுகிறது.

நாங்கள் துணிச்சலான, வீரமிக்க மண்ணில், குடும்பத்தில் பிறந்தவர்கள். அம்மாவையே பாதுகாத்தவர்கள். எங்களை அரசியலில் ஈடுபடாமல் செய்ய அரங்கேற்றப்படும் சதிகள் எடுபடாது. எங்களை சிறையில் அடைத்தாலும் வெளியில் வந்து பதிலடி கொடுப்போம். இப்போது எனக்கு 55 வயதாகிறது என்னை 20 வருடங்கள் சிறையில் அடைத்தாலும்கூட 75 வயதில் சிறையில் இருந்து வெளியே வந்து அரசியலில் எடுபடுவேன்.


https://goo.gl/5JTg8g






14 Dec 2018

நான் உழைத்து முதல்வரானேன்: நீங்கள் அப்பாவின் தயவால் உயர்ந்துள்ளீர்கள்: ஸ்டாலின்மீது எடப்பாடி பாய்ச்சல்

14 Dec 2018

புயலால் 8 மீட்டர் வரை அலை எழும்பும்: இந்திய வானிலை மையம் எச்சரிக்கை

14 Dec 2018

கருணாநிதி சிலை திறப்பு விழாவில் ரஜினி, கமல் பங்கேற்க வாய்ப்பு என தகவல்

13 Dec 2018

பள்ளியில் 5 மாணவிகள் வி‌ஷம் குடித்து தற்கொலை முயற்சி

13 Dec 2018

கழிவறை கேட்டு தந்தை மீது புகார் தந்த 7 வயது சிறுமி.. ஆம்பூர் தூய்மை இந்தியா தூதுவரானார்

13 Dec 2018

காற்றழுத்த தாழ்வு மண்டலம் அடுத்த 24 மணி நேரத்தில் புயலாக மாறும் : வட தமிழகத்தில் கனமழை பெய்ய வாய்ப்பு

13 Dec 2018

தினகரனை தவிர பிரிந்து சென்றவர்கள் யார் வேண்டுமானாலும் திரும்பி வரலாம் - முதல்வர் பகிரங்க அழைப்பு

11 Dec 2018

குடும்ப வறுமையில் மகனுக்கு வி‌ஷம் கொடுத்து கொன்று தந்தை தற்கொலை

11 Dec 2018

கூடைப்பந்து விளையாடும்போது மாரடைப்பு: கல்லூரி மாணவி பரிதாப மரணம்

10 Dec 2018

கிராமங்களுக்கு மின்சாரம் கிடைத்த பின்னர் தான் சென்னை செல்வேன்- அமைச்சர் விஜயபாஸ்கர்